طلعت روح، مش عارفة هي حاسة أزاي
وهل ده فعلاً اللي هي كانت عايزاه؟
ولا ده عشان هي بس متخانقة مع صالح
مستغربة كمية الهجوم اللي حواليها اللي بيقولوا إنها بتحبه
بس هي فعلاً بتحبه ..
في قهوة كان قاعد صالح بيقكر في كلام ليلى.
وهل فعلاً هو بيحبها الحب اللي ليلى والناس فاهمينه
وروح فاكرة إني بحبها الحب اللي تخاف منه تدخلني البيت لوحدنا..!
حاسب صالح على فناجين القهوة اللي شربها و فام فتح موبايله..
( missdcall 63 Rouh )
بعدها التليفون رن
- آلو..
= ايه يا صالح قافل تليفونك ليه..؟! أنت كويس؟
- آه كويس الحمدللع .. أنتي عاملة ايه؟
= كنت قلقانة عليك.
- لأ تمام
= سعاد قالتلي إنك أنت و روح اتخانـ..
- لأ .. مش متخانقين ولا زعلانين أنا و روح كويسين، انا في الطريق ومش مركز، ممكن نتكلم بعدين ؟
كان الجو بارد ..
كان الجو بارد ..
لابس جاكت جلد أسود وحاطط السماعات في ودنه والسماعات في ودنه وايده في جيوبه، وماشي يدندن مع المزيكا ويهز راسه بالراحة ..
وصل البيت وخد نفس كبير ورفع راسه للسما ونفخ الهوا اللي بقى كورةه بيضا في الهواء من بروده الجو، كان بيحاول يضحك ويبين ان الموضوع عادي ..
عشان ببساطة محدش له علاقة باللي بينه وبين روح، عشان محدش فاهم العلاقة دي .
وتقريباً روح كمان اختلط عليها الأمر ودي مشكلة !!
تليفونه رن تاني .
- ايوا، انا وصلت اه، ياستي في ايه ..
خلاص خليكي انا ع السلم اهو .
روح !!
= روح !!
- اقفلي دلوقت يا فيروز حكلمك بعدين
= استني فهمني ..
- سلام .
قفل صالح الخط، بعد مالقا فيروز قاعدة على السلم جمب الشقة وحاطة ايدها على خدها والشنطة على رجلها اللي مقرفصاهم .
أستغربت روح، وحست بالغيرة
فهم صالح من نظرتها وحس إن مش مرتاح واتأكد من احساسه ان الموضوع متلغبط عند روح ودي مشكله كبيرة !
حاول يخرج نفسه من التوتر ده ..
- في واحدة متربية وكويسة بتيجي لواحد الساعة 10 بليل يا ست هانم ؟
= اه انا .
- طب في واحدة عاقلة تيجي الوقت ده ؟
= اه انا .
- انا بقول عاقلة انتي عاقلة ؟
= لأ على اساس انك ظريف وبحاول اخليك تسكت وتزهق
- طب حتدخلي ولا ننزل ؟
= مش غريب سؤالك ؟
- مجتش على سؤالي يعني، كل حاجة غريبة .
= عشان كده انا جيت يا صالح
- طيب
طلع صالح الكام سلمة الفاضيين، وفتح الباب
- اتفضلي ياستي بالترنج ده .. وايه الفيونكة اللي في دماغك دي
بيقرب يلمس الفيونكة اللي على دماغها
= اوعي كده، ملكش دعوة بفيونكاتي
- فيونكاتي
قعدت روح وصالح عمال يلف في الشقة
= حتقعد تلف زي النحلة الدوارة كتير ؟
- ايه ؟
= حتقعد تلف كتير بقول ؟
مسك صالح ازازة الماية
- كنت بشرب، اهو بشرب
رفع الأزازة يوريهالها، بصتله روح بصة معناها انها مش مصدقاه
ساب الأزازة وجه بخطوات بطيئة .
- انا مش عارف اتعامل !
= طب ممكن افهم ايه اتغير ؟
- انتي مبقتيش بعفوية زمان معايا .
= كُل ده عشان انهارده ؟؟
- اممم
= صالح ..
- نعم ؟
= انا بحبك .
كانوا واقفين قدام بعض، بعد ما قامت روح تاخد صالح اللي متردد يجي يقعد معاها بعد ما قال انه مش عارف يتعامل .. كملت كلامها
= بس مش الحُب اللي الناس عرفاه ..
طبيعي الناس دلوقت تتقبل فكرة بنت ليها صديق ولد .
بس مش طبيعي تتعلق بيه، طبيعي تحبي صديقك بس مش طبيعي تقوليله انك بتحبيه ..
طبيعي تنزلي معاه وسط شلة كبيرة، بس مش طبيعي يبقى في بينكوا في خصوصية .
مش طبيعي اكلمك بليل أعيطلك، او إني محتاجة أشوفك فتقابلني
او إني الجألك، والاقي نفسي بخبط على باب بيتكحتى لو كانت الساعة عشرة
رغم إن ربنا بيحاسبنا على نوايانا مش افعالنا .
يعني ممكن واحد يبان غني جداً ويعدي من قدام واحد فقير ويمشي ميدوش حاجة
وواحد تاني واقف وبيراقب الموقف، تفتكر حيقول ايه ؟
اكيد حيقول ( بص ربنا مديله ومخليه شوف عامل ازاي ومهنش عليه يطلع اتنين جنيه يديهم للراجل عشان حتى ميكسفش الراجل اللي طمعان في كرمه .
وممكن تبقى نية الراجل انه نفسه يديله، بس ممعهوش في جيبه غير حق كيس فول ورغيفين عيش .
تفتكر ربنا حيحاسبه ساعتها على فعله انه مداش للراجل حاجة رغم لبسه ومظهره ؟
ولا على نيته ؟
انه نفسه يساعد الراجل بس مماعهوش
- اكيد على النية
= طب واحنا ؟
انا عارفة انها علاقة فريدة من نوعها، طب تصدق انا نفسي تطلع موضة
وتبقى علاقتنا مثال للصداقة يُحتذى بيها لأ وايه كمان نتشهر
روح الجميلة وصديقها التنين المُجنح صلاح عزام
لاه لاه لااااه
بيضحك صالح على حركاتها واكنها بتقدم برنامج تلفيزيوني
- والنبي انتي رايقة
= وماروقش ليه انا عندي صداقة جمعاني بيك غنياني عن كُل حاجة يا صالح
- بس مش كنتي مسمياني تنين بيطلع نار من عينه تقريباً
= لأ مانت كبرت وجناحاتك طلعت فخليتك تترقى بقى، وسميتك التنين المُجنح عشان تعرف إني عادلة وبكافأ الناس اهو
- بس طيب أسكتي
= حاضر
- عارفة يا روح
= لأ عرفني
- طب تعالي نقعد على الكنبة اللي هناك دي عشان قاعدة المكاتب دي خنقتني
= مكاتب، يخربيت الجهل .. اسمه بار يا بابا وبعدين ده زوق سارة
- طب نفتح سيرة عدلة بدل ماطردك لوحدك في إنصاص الليالي كده
= ماشاء الله قليل الأدب
- طب والله دي ميزة دلوقت، يلا قومي
بيغيروا المكان وبيتكلم
- عارفة انا قولتلك ليه مش عارف اتعامل ؟
= اممم، في الحقيقة لأ .. وأستغربت
- أصل حسيتك فهمتي اللي قولتهولك غلط، او مبقتيش فاهمة حُبي وتعلُقي بيكي .
ده حتى ليلى ..
كانت بتوصلي بصورة غير مباشرة إن انا بحبك
وعيب اللي بعمله ده، ولازم نتلم في بيت بقى ..
عشان انا بخليكي مبسوطة، وإن عينك بتلمع لما ببقى موجود ..
حسيت إنك فعلاً هتروحي مني، روح اللي كنت مش طايقها، او الغريبة عني دي هتروح مني ..
كُل الفطار، الكلام، الهزار، الضحك، والضعف ..
التلقائية اللي بتميز علاقتي بيكي اللي اتطورت بسرعة .
عارفة كمان يا روح ..
العلاقات اللي بتبقى الخطوط متحددة فيها مبتبقاش حلوة ..
عاملة زي مواضيع التعبير كده، تخلص سطر تدخل على اللي بعده
متحدد كام صفحة، ومقسم وقتك وعارف ان الصفحة كبيرة ..
بتحاول تفكر في الكام كلمة اللي بتبدأ وتنهي بيهم السطر، عشان تحول على السطر اللي بعده .
وتبقى خايف الا حبل افكارك يقف فالصفحة متكملش .
او السطر بالنسبالك يخلص في اول كلمة، فمتنجحش في التعبير .
ودي اكتر حاجة بتلم بيها درجات تقريباً ..
او دي العلاقة اللي بتملالك حياتك تقريباً، فهماني ؟
انما احنا بقى عمرنا مارتبنا نتكلم ازاي ؟
نتكلم ليه ؟
او حتى بكرة مخبيلنا ايه ..
كل الي عارفينه ان بعد اليساوي من جمعي وجمعك هو ( مالانهاية ) من الصداقة الفريدة
الصداقة اللي فيها حُب .
بس حُب بيكمل مبيخلصش .
= ياه يا صالح .. انت تقريباً اول مرة تتكلم ..
اول مرةه تخليني أفضل ساكتة وانا مستنية الكلام اللي بعد اللي بتقوله ده هيكون ايه ..
بجد الحمد لله على نعمة وجودك .
أبتسم صالح وحس إنه اخيراً ارتاح بعد ما وضحت الأمور واتحطت النقط على الحروف فعرفنا منها ملامح الكلمة .
- طب انا جعان، انتي مش جعانة ؟
= جعانة جداً كمان
- طب ناكل ايه ؟
= اكيد مش هناكل في بيتك، عشان ده خرابة مش بيت
- حناكل ايه طيب وقصري الغلاسة شوية
بتقوم روح تقف وهي حاسة بالنشاط، بتاخد شنطتها
=- تعالا ننزل ونشوف رجلنا هتودينا على فين، بس انا مفسي في طبق رز بلبن كبير وآيس كريم ومكسرات
- انتي هبلة ؟ بقولك جعااان !
= هو انا بقولك انت تاكل ايه ؟ انا بتكلم عن نفسي
- بس انا قولت نا نااااكل مش تا تاااكلي
= وات ايفر متغيرش الموضوع
بيضحكوا، بيتخانقوا، بيهزروا وينزلوا ..
ماشيين في الشارع صالح بياكل شاورما، وروح بطبق الرز باللبن العملاق
= القاهرة حلوة قوي بالليل
- اها هادية وهواها حلو، انتي مقولتليش صحيح عملتي ايه مع فارس ؟
= اخييييه عليك يا صالح .. بتبوظ اليوم ليه يا أخي .
- انتي شوفتيه ؟
= اه
- ده امتى ده ؟
= ممكن نتكلم بكرة في ده ؟
او أي يوم تاني، انا محتاجة أبقى مبسوطة انهارده
أبتسم صالح ..
- تمام
وصل البيت وخد نفس كبير ورفع راسه للسما ونفخ الهوا اللي بقى كورةه بيضا في الهواء من بروده الجو، كان بيحاول يضحك ويبين ان الموضوع عادي ..
عشان ببساطة محدش له علاقة باللي بينه وبين روح، عشان محدش فاهم العلاقة دي .
وتقريباً روح كمان اختلط عليها الأمر ودي مشكلة !!
تليفونه رن تاني .
- ايوا، انا وصلت اه، ياستي في ايه ..
خلاص خليكي انا ع السلم اهو .
روح !!
= روح !!
- اقفلي دلوقت يا فيروز حكلمك بعدين
= استني فهمني ..
- سلام .
قفل صالح الخط، بعد مالقا فيروز قاعدة على السلم جمب الشقة وحاطة ايدها على خدها والشنطة على رجلها اللي مقرفصاهم .
أستغربت روح، وحست بالغيرة
فهم صالح من نظرتها وحس إن مش مرتاح واتأكد من احساسه ان الموضوع متلغبط عند روح ودي مشكله كبيرة !
حاول يخرج نفسه من التوتر ده ..
- في واحدة متربية وكويسة بتيجي لواحد الساعة 10 بليل يا ست هانم ؟
= اه انا .
- طب في واحدة عاقلة تيجي الوقت ده ؟
= اه انا .
- انا بقول عاقلة انتي عاقلة ؟
= لأ على اساس انك ظريف وبحاول اخليك تسكت وتزهق
- طب حتدخلي ولا ننزل ؟
= مش غريب سؤالك ؟
- مجتش على سؤالي يعني، كل حاجة غريبة .
= عشان كده انا جيت يا صالح
- طيب
طلع صالح الكام سلمة الفاضيين، وفتح الباب
- اتفضلي ياستي بالترنج ده .. وايه الفيونكة اللي في دماغك دي
بيقرب يلمس الفيونكة اللي على دماغها
= اوعي كده، ملكش دعوة بفيونكاتي
- فيونكاتي
قعدت روح وصالح عمال يلف في الشقة
= حتقعد تلف زي النحلة الدوارة كتير ؟
- ايه ؟
= حتقعد تلف كتير بقول ؟
مسك صالح ازازة الماية
- كنت بشرب، اهو بشرب
رفع الأزازة يوريهالها، بصتله روح بصة معناها انها مش مصدقاه
ساب الأزازة وجه بخطوات بطيئة .
- انا مش عارف اتعامل !
= طب ممكن افهم ايه اتغير ؟
- انتي مبقتيش بعفوية زمان معايا .
= كُل ده عشان انهارده ؟؟
- اممم
= صالح ..
- نعم ؟
= انا بحبك .
كانوا واقفين قدام بعض، بعد ما قامت روح تاخد صالح اللي متردد يجي يقعد معاها بعد ما قال انه مش عارف يتعامل .. كملت كلامها
= بس مش الحُب اللي الناس عرفاه ..
طبيعي الناس دلوقت تتقبل فكرة بنت ليها صديق ولد .
بس مش طبيعي تتعلق بيه، طبيعي تحبي صديقك بس مش طبيعي تقوليله انك بتحبيه ..
طبيعي تنزلي معاه وسط شلة كبيرة، بس مش طبيعي يبقى في بينكوا في خصوصية .
مش طبيعي اكلمك بليل أعيطلك، او إني محتاجة أشوفك فتقابلني
او إني الجألك، والاقي نفسي بخبط على باب بيتكحتى لو كانت الساعة عشرة
رغم إن ربنا بيحاسبنا على نوايانا مش افعالنا .
يعني ممكن واحد يبان غني جداً ويعدي من قدام واحد فقير ويمشي ميدوش حاجة
وواحد تاني واقف وبيراقب الموقف، تفتكر حيقول ايه ؟
اكيد حيقول ( بص ربنا مديله ومخليه شوف عامل ازاي ومهنش عليه يطلع اتنين جنيه يديهم للراجل عشان حتى ميكسفش الراجل اللي طمعان في كرمه .
وممكن تبقى نية الراجل انه نفسه يديله، بس ممعهوش في جيبه غير حق كيس فول ورغيفين عيش .
تفتكر ربنا حيحاسبه ساعتها على فعله انه مداش للراجل حاجة رغم لبسه ومظهره ؟
ولا على نيته ؟
انه نفسه يساعد الراجل بس مماعهوش
- اكيد على النية
= طب واحنا ؟
انا عارفة انها علاقة فريدة من نوعها، طب تصدق انا نفسي تطلع موضة
وتبقى علاقتنا مثال للصداقة يُحتذى بيها لأ وايه كمان نتشهر
روح الجميلة وصديقها التنين المُجنح صلاح عزام
لاه لاه لااااه
بيضحك صالح على حركاتها واكنها بتقدم برنامج تلفيزيوني
- والنبي انتي رايقة
= وماروقش ليه انا عندي صداقة جمعاني بيك غنياني عن كُل حاجة يا صالح
- بس مش كنتي مسمياني تنين بيطلع نار من عينه تقريباً
= لأ مانت كبرت وجناحاتك طلعت فخليتك تترقى بقى، وسميتك التنين المُجنح عشان تعرف إني عادلة وبكافأ الناس اهو
- بس طيب أسكتي
= حاضر
- عارفة يا روح
= لأ عرفني
- طب تعالي نقعد على الكنبة اللي هناك دي عشان قاعدة المكاتب دي خنقتني
= مكاتب، يخربيت الجهل .. اسمه بار يا بابا وبعدين ده زوق سارة
- طب نفتح سيرة عدلة بدل ماطردك لوحدك في إنصاص الليالي كده
= ماشاء الله قليل الأدب
- طب والله دي ميزة دلوقت، يلا قومي
بيغيروا المكان وبيتكلم
- عارفة انا قولتلك ليه مش عارف اتعامل ؟
= اممم، في الحقيقة لأ .. وأستغربت
- أصل حسيتك فهمتي اللي قولتهولك غلط، او مبقتيش فاهمة حُبي وتعلُقي بيكي .
ده حتى ليلى ..
كانت بتوصلي بصورة غير مباشرة إن انا بحبك
وعيب اللي بعمله ده، ولازم نتلم في بيت بقى ..
عشان انا بخليكي مبسوطة، وإن عينك بتلمع لما ببقى موجود ..
حسيت إنك فعلاً هتروحي مني، روح اللي كنت مش طايقها، او الغريبة عني دي هتروح مني ..
كُل الفطار، الكلام، الهزار، الضحك، والضعف ..
التلقائية اللي بتميز علاقتي بيكي اللي اتطورت بسرعة .
عارفة كمان يا روح ..
العلاقات اللي بتبقى الخطوط متحددة فيها مبتبقاش حلوة ..
عاملة زي مواضيع التعبير كده، تخلص سطر تدخل على اللي بعده
متحدد كام صفحة، ومقسم وقتك وعارف ان الصفحة كبيرة ..
بتحاول تفكر في الكام كلمة اللي بتبدأ وتنهي بيهم السطر، عشان تحول على السطر اللي بعده .
وتبقى خايف الا حبل افكارك يقف فالصفحة متكملش .
او السطر بالنسبالك يخلص في اول كلمة، فمتنجحش في التعبير .
ودي اكتر حاجة بتلم بيها درجات تقريباً ..
او دي العلاقة اللي بتملالك حياتك تقريباً، فهماني ؟
انما احنا بقى عمرنا مارتبنا نتكلم ازاي ؟
نتكلم ليه ؟
او حتى بكرة مخبيلنا ايه ..
كل الي عارفينه ان بعد اليساوي من جمعي وجمعك هو ( مالانهاية ) من الصداقة الفريدة
الصداقة اللي فيها حُب .
بس حُب بيكمل مبيخلصش .
= ياه يا صالح .. انت تقريباً اول مرة تتكلم ..
اول مرةه تخليني أفضل ساكتة وانا مستنية الكلام اللي بعد اللي بتقوله ده هيكون ايه ..
بجد الحمد لله على نعمة وجودك .
أبتسم صالح وحس إنه اخيراً ارتاح بعد ما وضحت الأمور واتحطت النقط على الحروف فعرفنا منها ملامح الكلمة .
- طب انا جعان، انتي مش جعانة ؟
= جعانة جداً كمان
- طب ناكل ايه ؟
= اكيد مش هناكل في بيتك، عشان ده خرابة مش بيت
- حناكل ايه طيب وقصري الغلاسة شوية
بتقوم روح تقف وهي حاسة بالنشاط، بتاخد شنطتها
=- تعالا ننزل ونشوف رجلنا هتودينا على فين، بس انا مفسي في طبق رز بلبن كبير وآيس كريم ومكسرات
- انتي هبلة ؟ بقولك جعااان !
= هو انا بقولك انت تاكل ايه ؟ انا بتكلم عن نفسي
- بس انا قولت نا نااااكل مش تا تاااكلي
= وات ايفر متغيرش الموضوع
بيضحكوا، بيتخانقوا، بيهزروا وينزلوا ..
ماشيين في الشارع صالح بياكل شاورما، وروح بطبق الرز باللبن العملاق
= القاهرة حلوة قوي بالليل
- اها هادية وهواها حلو، انتي مقولتليش صحيح عملتي ايه مع فارس ؟
= اخييييه عليك يا صالح .. بتبوظ اليوم ليه يا أخي .
- انتي شوفتيه ؟
= اه
- ده امتى ده ؟
= ممكن نتكلم بكرة في ده ؟
او أي يوم تاني، انا محتاجة أبقى مبسوطة انهارده
أبتسم صالح ..
- تمام
