كان اليوم عندها غريب ..
روحت البيت مبسوطة ويمكن ده اللي كان مخليها مستغربة ..
من زمان محستش إنها راضية وفرحانة كده ..
يمكن عشان حققت حاجة كان نفسها فيها ..؟
او يمكن عشان عرفت حد غريب ..
حد كان مريض نفسياً ..
حد جي من العالم اللي هي بتحبه وبتحس إنها تنتميله ..
بعذابه وحلوه والمُر اللي فيه ..
كانت عايزة تحكي لحد ..
تشاركه وبس ..
لبست روب على البيجامه بتاعتها ..
ونزلت لـ " ليلى" ..
رنت الجرس وخبطت شوية ..
بس مكنش فيه رد ..
نزلت على السلم تبُص على الشباك بتاعها ..
لقت كُل الانوار مضلمة ..
وفي الحالة دي ..
يا إبنها جه يفسحها او هي خدت العلاج ونامت ..
و" عائشة " اللي بتقعد معاها مشت ..!
فكده مفيش حد ..
طلعت السلم بملل فتحت بابها ..
ودخلت ..
شغلت المزيكا وعلت الصوت شوية ..
بحيث انها لما تدخل الاوضة اللي جوا تسمع بصوت واضح ..
وقفت في المطبخ تعمل " الكاكاو باللبن " اللي هي بتحب تشربه بليل ..
جه في بالها " صالح " ..
إنه السبب في دخولها هناك ..
حست انه كمان السبب في لغبطتها دي ..
عشان كده ..
جرت على الموبيل ..
تطلُبه ..
بتدور على اسم "صالح" مفيش ..
دخلت على المكالمات الصادرة ..
لقت ان اسمه " التنين اللي بيطلع نار من عينيه"
ابتسمت ..
داست على الزرار الاخضر ..
رفعت شعرها ..
وراحت توطي المزيكا ..
رد هو ..
_ خير ..
_ على فكرة مش أسلوب ده إننا نكلم بعض كده ..
_ مهو اصل انتى مش زي العاديين يعني اللي بيتصلوا يسألوا وكده ..
_ امممم .. طب اسمع طيب ..
_ يا سلاام .. اتكلمي سامع اه والله الموبيل على ودني ..
بتضحك ..
_ ايه ده انتى بتضحكي كمان ..
_ اومال ايه يعني ..
_ خلاص خلاص براحة حتبلعيني من الموبيل ..
_ اسمع بقى، مُمكن ؟
_ اه قولي ..
_ انهارده انا مبسوطة ..
استغرب " صالح" إنها بتحكيله ..
_ اممم وبعدين ؟
_ ممكن متقاطعنيش ..؟
_ آسف قولي ..
_ انت فاضي طيب تسمع الأول ..؟
_ انا قاعد على السرير باكُل خيار، كده أبقى فاضي مش كده ..
_ اممم طب على الله تاكل خيار وانت بتكلمني .. ماشي ؟
بيشيل الطبق ..
_ وادي الطبق اهو يا ستي .. قولي بقى
_ انا كُنت في المصحة انهارده ..
وقابلت واحد ..
وقالي كلام غريب كده ..
_ قلة أدب ..؟
_ قلة ادب ايه يا صالح ..
_ مهو كلام غريب ايه متقولي على طول وانا اللى اصنف إذا كان ده غريب ولا لا ..
_ بُص هو الموضوع ..
انه هو اللي طلب يشوفني ..
_ بجد والله ؟
_ اه والله ..
بُص حاول تركز ..
سيبكمن كُل الرغي ..
هو بيقول انه كان بيدور على واحدة زي كده ..
عندها نفس الكاريزما ..
مُختلفة مع كُل حد بتتعامل معاه ..
طبيعية ..
وقال كمان ..
انه كان مستني اظهر في حياته حتى لو من بعيد ..
انت مُتخيل ..؟
_ امممم وايه كمان ..
_ إني كُنت مستنية اقابله ومفكراه ان ده مُستحيل ..
بس المُستحيل حصل وووووووه
_ لأ استني ..
_ ايه ؟
_ في جُزء كده مش فاهمه خالص ..
_ ايه هو ..
_ " وووووووه" ده ايه بالظبط
قعدت تضحك وهو ضحك شوية وكمل كلامه ..
_ بجد مش هزار ايه ده ؟
_ ده صوت الفرحة ووووه ؟
_ لا يعني من ضمن الاصوات ..
_ من ضمن الاصوات اه .. طب تمام
انا عرفت حسميكي ايه اخيراً على الموبيل ..
_ لأ .. متهزرش !
_ والله مش بهزر، المُهم ..
انتي مبسوطة ؟
_ انا خايفة .. ده اكنه طلع من احلامي ..
_ مش مُهم .. جربي وافتحي إيدك للدُنيا وشوفي الدنيا حتمشيكوا ازاي سوا ..
_ انا عمري مغامرت في قلبي .. بس المرة دي نفسي اقرب ..
_ قربي .. ومتخافيش ..
إحنا بنخاف لما بنبقى ضُعاف وانتى مش ضعيفة ..
ده غير إني جمبك ..
ابتسمت وحست بالأمان ..
_ استنى بس جمبي ازاي ..؟
_ يعني لو حسيت إنك في خطر حشدك ..
انتي جدعة اوي بغض النظر عن " ووووه" دي ..
_ متتلم شوية الله !
_ خلاص براحة متقلبيش ، مُمكن اكمل اكل الخيار لإني جعان ومأكلتش حاجة من الصُبح ..
_ ايه ده حتتغدا خيار ؟
_ مهو اكيد مش بعشقه .. بس مفيش غيره فى التلاجة ومش قادر انزل اجيب أكل ..
_ اممم يا حرام
بيقطع الكلام ..
ويتنج عندها ..
_ ايه ده ..؟
_ في ايه ..؟
_ رقم غريب بيتصل بيا .. اقفل دلوقت .. اشوفك الصُبح سلام
قفلت السكة وردت على الرقم ..
_ الو ..؟
_ ازيك ..؟
_ الحمد لله، مين معايا ..؟
_ أنا " فارس" ..
_ فارس ..!
_ اه .. صحيتك ؟
_ لأ صاحية .. ده رقمك ؟
_ اكيد ..
_ ايه السؤال الغبي ده .. انت بتتصل ليه ؟
_ متهيألي السؤال التاني اغبى
ضحكت ..
_ كُنت بقولك إن ده رقمي ..
لما تروحي هناك ابقي كلميني ..
- هناك فين ؟
_ اكيد المستشفي اومال حيبقى فين ..
_ اه صح .. معلش ..
_ ولا يهمك ..
_ ماشي ..
_ بقولك ..
_ ايه قول ..
_ ما تغبيش .. سلام ..
_ سلام ..
روحت البيت مبسوطة ويمكن ده اللي كان مخليها مستغربة ..
من زمان محستش إنها راضية وفرحانة كده ..
يمكن عشان حققت حاجة كان نفسها فيها ..؟
او يمكن عشان عرفت حد غريب ..
حد كان مريض نفسياً ..
حد جي من العالم اللي هي بتحبه وبتحس إنها تنتميله ..
بعذابه وحلوه والمُر اللي فيه ..
كانت عايزة تحكي لحد ..
تشاركه وبس ..
لبست روب على البيجامه بتاعتها ..
ونزلت لـ " ليلى" ..
رنت الجرس وخبطت شوية ..
بس مكنش فيه رد ..
نزلت على السلم تبُص على الشباك بتاعها ..
لقت كُل الانوار مضلمة ..
وفي الحالة دي ..
يا إبنها جه يفسحها او هي خدت العلاج ونامت ..
و" عائشة " اللي بتقعد معاها مشت ..!
فكده مفيش حد ..
طلعت السلم بملل فتحت بابها ..
ودخلت ..
شغلت المزيكا وعلت الصوت شوية ..
بحيث انها لما تدخل الاوضة اللي جوا تسمع بصوت واضح ..
وقفت في المطبخ تعمل " الكاكاو باللبن " اللي هي بتحب تشربه بليل ..
جه في بالها " صالح " ..
إنه السبب في دخولها هناك ..
حست انه كمان السبب في لغبطتها دي ..
عشان كده ..
جرت على الموبيل ..
تطلُبه ..
بتدور على اسم "صالح" مفيش ..
دخلت على المكالمات الصادرة ..
لقت ان اسمه " التنين اللي بيطلع نار من عينيه"
ابتسمت ..
داست على الزرار الاخضر ..
رفعت شعرها ..
وراحت توطي المزيكا ..
رد هو ..
_ خير ..
_ على فكرة مش أسلوب ده إننا نكلم بعض كده ..
_ مهو اصل انتى مش زي العاديين يعني اللي بيتصلوا يسألوا وكده ..
_ امممم .. طب اسمع طيب ..
_ يا سلاام .. اتكلمي سامع اه والله الموبيل على ودني ..
بتضحك ..
_ ايه ده انتى بتضحكي كمان ..
_ اومال ايه يعني ..
_ خلاص خلاص براحة حتبلعيني من الموبيل ..
_ اسمع بقى، مُمكن ؟
_ اه قولي ..
_ انهارده انا مبسوطة ..
استغرب " صالح" إنها بتحكيله ..
_ اممم وبعدين ؟
_ ممكن متقاطعنيش ..؟
_ آسف قولي ..
_ انت فاضي طيب تسمع الأول ..؟
_ انا قاعد على السرير باكُل خيار، كده أبقى فاضي مش كده ..
_ اممم طب على الله تاكل خيار وانت بتكلمني .. ماشي ؟
بيشيل الطبق ..
_ وادي الطبق اهو يا ستي .. قولي بقى
_ انا كُنت في المصحة انهارده ..
وقابلت واحد ..
وقالي كلام غريب كده ..
_ قلة أدب ..؟
_ قلة ادب ايه يا صالح ..
_ مهو كلام غريب ايه متقولي على طول وانا اللى اصنف إذا كان ده غريب ولا لا ..
_ بُص هو الموضوع ..
انه هو اللي طلب يشوفني ..
_ بجد والله ؟
_ اه والله ..
بُص حاول تركز ..
سيبكمن كُل الرغي ..
هو بيقول انه كان بيدور على واحدة زي كده ..
عندها نفس الكاريزما ..
مُختلفة مع كُل حد بتتعامل معاه ..
طبيعية ..
وقال كمان ..
انه كان مستني اظهر في حياته حتى لو من بعيد ..
انت مُتخيل ..؟
_ امممم وايه كمان ..
_ إني كُنت مستنية اقابله ومفكراه ان ده مُستحيل ..
بس المُستحيل حصل وووووووه
_ لأ استني ..
_ ايه ؟
_ في جُزء كده مش فاهمه خالص ..
_ ايه هو ..
_ " وووووووه" ده ايه بالظبط
قعدت تضحك وهو ضحك شوية وكمل كلامه ..
_ بجد مش هزار ايه ده ؟
_ ده صوت الفرحة ووووه ؟
_ لا يعني من ضمن الاصوات ..
_ من ضمن الاصوات اه .. طب تمام
انا عرفت حسميكي ايه اخيراً على الموبيل ..
_ لأ .. متهزرش !
_ والله مش بهزر، المُهم ..
انتي مبسوطة ؟
_ انا خايفة .. ده اكنه طلع من احلامي ..
_ مش مُهم .. جربي وافتحي إيدك للدُنيا وشوفي الدنيا حتمشيكوا ازاي سوا ..
_ انا عمري مغامرت في قلبي .. بس المرة دي نفسي اقرب ..
_ قربي .. ومتخافيش ..
إحنا بنخاف لما بنبقى ضُعاف وانتى مش ضعيفة ..
ده غير إني جمبك ..
ابتسمت وحست بالأمان ..
_ استنى بس جمبي ازاي ..؟
_ يعني لو حسيت إنك في خطر حشدك ..
انتي جدعة اوي بغض النظر عن " ووووه" دي ..
_ متتلم شوية الله !
_ خلاص براحة متقلبيش ، مُمكن اكمل اكل الخيار لإني جعان ومأكلتش حاجة من الصُبح ..
_ ايه ده حتتغدا خيار ؟
_ مهو اكيد مش بعشقه .. بس مفيش غيره فى التلاجة ومش قادر انزل اجيب أكل ..
_ اممم يا حرام
بيقطع الكلام ..
ويتنج عندها ..
_ ايه ده ..؟
_ في ايه ..؟
_ رقم غريب بيتصل بيا .. اقفل دلوقت .. اشوفك الصُبح سلام
قفلت السكة وردت على الرقم ..
_ الو ..؟
_ ازيك ..؟
_ الحمد لله، مين معايا ..؟
_ أنا " فارس" ..
_ فارس ..!
_ اه .. صحيتك ؟
_ لأ صاحية .. ده رقمك ؟
_ اكيد ..
_ ايه السؤال الغبي ده .. انت بتتصل ليه ؟
_ متهيألي السؤال التاني اغبى
ضحكت ..
_ كُنت بقولك إن ده رقمي ..
لما تروحي هناك ابقي كلميني ..
- هناك فين ؟
_ اكيد المستشفي اومال حيبقى فين ..
_ اه صح .. معلش ..
_ ولا يهمك ..
_ ماشي ..
_ بقولك ..
_ ايه قول ..
_ ما تغبيش .. سلام ..
_ سلام ..
ليست هناك تعليقات:
إرسال تعليق